പുതു മഴയില് പൂത്ത പൊന്വസന്തവും ,
പൂന്തെന്നലോഴുകിയ പുലരികളും ,
പാതി വഴിയില് പോയ് മറഞ്ഞപ്പോള് -
പുക്കാന് തുടങ്ങിയ കനവിന് ശിഖിരങ്ങളില് -
വിധിവൈകൃതമൊരു ചുഴലി വീശിയടിച്ചതും -
മനസ്സിന് മുറ്റത്ത് കുമിഞ്ഞു കൂടിയ -
കരിഞ്ഞുണങ്ങിയ കനവിന് കരിയിലകള് --
രാത്രിയാമങ്ങളില് തിമിര്ത്തു പെയ്യുന്ന -
കണ്ണുനീര് മഴയില് കുതിര്ന്നിടുമ്പോള് -
അഴുകി ജീര്ണ്ണിച്ചോരാ ഇലകളില് നിന്നു
അരുതാത്ത കീടങ്ങള് തലയുയര്ത്തിടുന്നു
വാശിയും വൈരാഗ്യവും പകയും വിദ്വേഷവും -
പോലൊരുപാട് കൃമികള് പിറന്നിടുന്നു
വിഷമുള്ള സര്പ്പങ്ങള് ജനിക്കും മുന്പേ -
ഒരു തെളിനീര് മഴയീ മുറ്റത്ത് പെയ്യുമോ .....?
അഴുകിയ കലകളെ കഴുകിക്കളയുമോ ....?
കാലമിനിയും കനിയാതിരിക്കുമോ ....?
കാത്തിരിപ്പിന് കണ്ണുനീരവള് കാണാതിരിക്കുമോ ....?
അഷ്റഫ് അഴിയത്ത്
raffus33@gmail.com
No comments:
Post a Comment