വിണ്ണില് പൂത്തുലഞ്ഞപ്പോള് ....
മോഹാര്ദ്ര തീരത്തെ പൂമരച്ചില്ലകള്
പൂവിട്ടതെന്നു നിനച്ചു പോയി ...
ഒരു മാത്ര വെറുതെ കൊതിച്ചു പോയി ...
രാക്കുയില് പാട്ടിന്റെ നാദത്തിനൊപ്പം
മാനസ വീണയും പാടാന് തുടങ്ങി
അനുഭൂതി നിറയുന്നോരാദ്യാനുരാഗം
മധുരമയമാമൊരു പ്രണയ ഗാനം ...
രാവിന് നിലാമഴ പെയ്തൊഴിഞ്ഞു
വിണ്ണിന് മലരുകള് പോയ്മറഞ്ഞു ...
മോഹാര്ദ്ര തീരത്തെ പൂമരച്ചില്ലകള്
പൂക്കള് പൊഴിഞ്ഞു ശൂന്യമായി ... ഒരു
വിരഹത്തിന് പൂമൊട്ട് ബാക്കിയായി ...
രാക്കുയില് പാട്ടിന്റെ നാദം നിലച്ചു ..
മാനസ വീണ വിതുമ്പാന് തുടങ്ങി ...
രാഗമറിയാതെ .. താളമറിയാതെ
ശ്രുതി ചേരാതെയൊരു വിരഹഗാനം ....
അഷ്റഫ് അഴിയത്ത്
No comments:
Post a Comment